Pavlodar oblysynda kolonııa qyzmetkerine para bergen azamat sottalmaq

ASTANA. QazAqparat - Pavlodar oblysynda sottalýshyǵa zańsyz jolmen sálem-saýqat ótkizbek bolǵan azamat ustaldy. Bul týraly búgin brıfıng barysynda QR Іshki ister mınıstrliginiń resmı ókili Almas Sadýbaev aıtty, dep habarlaıdy QazAqparat tilshisi.

«Pavlodar oblystyq ІІD Ózindik qaýipsizdik basqarmasy men jemqorlyqqa qarsy qyzmet qyzmetkerleri túzeý mekemesiniń baqylaý-ótkizý beketinde sottalýshyǵa sálem-saýqatty tekserýsiz ótkizip berý úshin mekeme qyzmetkerine para bergen kelýshini ustady», - dedi ol.

Onyń aıtýynsha, atalǵan fakti boıynsha QR Qylmystyq kodeksiniń 367-baby boıynsha sotqa deıingi tergeý amaldary júrgizilip jatyr.

«Elimizdiń zańnamasyna sáıkes, laýazymdy tulǵaǵa para bergeni úshin bas bostandyǵynan aıyrý túrindegi qylmystyq jaýapkershilik qarastyrylǵan», - dedi Almas Sadýbaev.