Pavlodar oblysynda kólik qaqqan jaıaý júrginshi oqıǵa ornynda kóz jumdy
PAVLODAR. QazAqparat - Pavlodar oblysynda jol apaty saldarynan jaıaý júrginshi qaza tapty. Qaıǵyly oqıǵa Pavlodar – Qyzylorda avtojolynda oryn aldy, dep habarlaıdy QazAqparat Ravlodarnews.kz-ke silteme jasap.
Oblystyq sanıtarlyq-epıdemıologııalyq baqylaý departamenti baspasóz qyzmetiniń málimetinshe, Shiderti kentiniń janynda 48 jastaǵy «Hyundai Santa Fe» avtokóliginiń júrgizýshisi 60 jastaǵy jaıaý júrginshini qaǵyp ketken.
- Ol joldyń júrý bóligin belgilenbegen jerden kesip ótken. Jol-kólik oqıǵasy saldarynan jaıaý júrginshi alǵan dene jaraqatynan oqıǵa ornynda kóz jumdy, - dedi baspasóz qyzmetinde.
Polıtsııa kóliktiń arnaıy aıyp turaǵyna qoıylǵanyn atap ótti. Atalmysh faktige qatysty tekserý júrgizilýde.
Aıta keteıik, aǵymdaǵy jyldyń basynan beri Pavlodar oblysynyń aýmaǵynda 615 JKO tirkelgen, saldarynan 53 adam qaza taýyp, 898 adam jaraqat alǵan.
