Pavlodar oblysynda kólik qaqqan zeınetker oqıǵa ornynda jantásilim etti
PAVLODAR. QazAqparat - Pavlodar oblysynda kólik qaǵyp ketken zeınetker oqıǵa ornynda kóz jumdy, dep habarlaıdy Ravlodarnews.kz.
«Kólik aıyp turaǵyna qoıyldy. 2020 jylǵy 18 qazanda saǵat 20.15-te Omby – Maıqapshaǵaı tas jolynda «Lada Granta» avtokóliginiń 39 jastaǵy júrgizýshisi belgilenbegen jerde ótip bara jatqan 65 jastaǵy jaıaý júrginshini qaǵyp ketti. Ol alǵan jaraqattarynan oqıǵa ornynda jantásilim etti», - deıdi oblystyq PD baspasóz qyzmetinde.
Atalmysh faktige qatysty tekserý júrgizilýde. Barlyq qajetti saraptamalar taǵaıyndaldy.
Aıta keterligi, jyl basynan beri 165 jol-kólik oqıǵasy tirkelip, 16 adam qaza tapqan, 152 jaıaý júrginshi ártúrli dene jaraqattaryn aldy.
