Pavlodar oblysynda kólik qaqqan múgedektigi bar kisi oqıǵa ornynda kóz jumdy

AQSÝ. QazAqparat - Pavlodar oblysynyń Aqsý qalasynda kólik qaqqan jaıaý júrginshi mert boldy, dep habarlaıdy QazAqparat polıtsııaǵa silteme jasap.

3 maýsym Aqsý qalasyndaǵy Mámetova kóshesimen júrip kele jatqan VAZ-2108 avtokóliginiń 26 jastaǵy júrgizýshisi 50 jastaǵy jaıaý júrginshini qaǵyp ketken.

Joldy belgilenbegen jerden kesip ótip bara jatqan jaıaý adam ІІІ top múgedegi (qulaǵy estimeıdi) edi.

Jaıaý júrginshi alǵan dene jaraqatynan oqıǵa ornynda qaıtys boldy.

Sondaı-aq 4 maýsym kúni Aqtoǵaı-Sholaqsor avtojolynyń 97-shaqyrymynda Jalauly aýylynyń mańynda Volkswagen Passat kóliginiń 47 jastaǵy júrgizýshisi róldi basqara almaı, kıývetke túsken.

Saldarynan avtokólik júrgizýshisi alǵan dene jaraqatynan sol jerde qaıtys boldy.

Jol apaty faktilerine qatysty QR QK 345-babynyń 3-bólimi boıynsha sotqa deıingi tergep-tekserý bastaldy.

Qajetti saraptamalar taǵaıyndaldy. Avtokólikter arnaıy aıyppul turaǵyna qoıyldy.