Pavlodar oblysynda kólik ıeleri 119 mln teńgege VIP-nómir satyp alǵan
PAVLODAR. QazAqparat - Ótken jyly Pavlodar oblysynyń turǵyndary 119 mln teńgeden astam somaǵa 383 joǵary suranymǵa ıe memlekettik tirkeý nómiri belgisi satyp alǵan.
Bul týraly oblystyq polıtsııa departamentiniń baspasóz qyzmeti málim etti, dep habarlaıdy pavlodarnews.kz.
«Óńirdiń áýesqoı avtomobılshileri arasynda eń tanymal memlekettik tirkeý nómiri 070 bolyp otyr", - deıdi baspasóz qyzmetinde.
Búgingi tańda oblys joldarynda ondaı nómirmen 63 kólik (57 AEK) júrýde. Óte tanymal memlekettik tirkeý nómir belgisi - 707. Al 50 oblys turǵyny 50 AEK nómiriniń ıesi. Buǵan qosa 47 adam memlekettik 077 (57 AEK) tirkeý nómir belgisin satyp alǵan.
Aıta ketsek, 2019 jyldyń qańtar aıynda 20 avtokólik ıesi jalpy somasy 4 mln teńgege joǵary suranymǵa ıe memlekettik tirkeý nómiri belgilerin satyp alǵan.
