Pavlodar oblysynda kólik aýdarylyp, júrgizýshi qaza tapty
PAVLODAR. QazAqparat -Pavlodar oblysynda kólik aýdarylyp, júrgizýshi kóz jumdy. Jol-kólik oqıǵasy Ekibastuz-Solnechnyı kenti avtojolynyń 22 shaqyrymynda oryn alǵan, dep habarlaıdy QazAqparat Pavlodarnews.kz-ke silteme jasap.
- 19 shilde kúni saǵat 00.30-da Ekibastuzdyń 32 jastaǵy turǵyny «Aýdı-80» avtokóligimen jyraǵa aýdarylyp ketken. Jol apaty saldarynan júrgizýshi oqıǵa ornynda jan tapsyrdy. 33 jastaǵy jolaýshy jaraqatymen Ekibastuz qalasynyń aýrýhanasyna jetkizildi. Tekserý júrgizilip, saraptama taǵaıyndaldy, - dedi oblystyq polıtsııa departamentinde.
Óńirlik densaýlyq saqtaý basqarmasynyń málimetinshe, 1987 jyly týǵan áıelge «qańqa-bas súıek jaraqaty, bastyń bir bóliginiń skalpırlengen jaraqaty, sol qoldyń syrtqy betiniń kógergen jarasy» dıagnozy qoıylǵan. Ol Ekibastuz qalasynyń aýrýhanasyna jatqyzyldy.
