Pavlodar oblysynda kólik apatynan bir adam qaza tapty
PAVLODAR. QazAqparat - Keshe, 1 qazanda Lenın-Kýrchatov avtojolynyń 20 shaqyrymynda jol-kólik oqıǵasy boldy, dep habarlaıdy pavlodarnews.kz.
Bul týraly agenttikke Pavlodar oblystyq polıtsııa departamentiniń baspasóz qyzmeti málim etken.
«34 jastaǵy lifan x50 avtokóliginiń júrgizýshisi qarsy baǵytqa shyǵyp ketip, 1994 jyly týǵan júrgizýshiniń basqarýyndaǵy lada 21715 avtokóligimen betpe-bet soqtyǵysqan. Jol apaty saldarynan «lada» júrgizýshisi oqıǵa ornynda kóz jumdy. Osy kóliktegi 2003 jyly týǵan jolaýshy jáne «lifan» avtokóliginiń júrgizýshisi túrli jaraqattarmen aýrýhanaǵa jatqyzyldy», - dep habarlady departamentte. Vedomstvoda atalǵan faktige qatysty QR QK 345-baby 3-bólimi boıynsha sotqa deıingi tergeý bastaldy. Avtokólik aıyp turaǵyna qoıyldy. Sot-medıtsınalyq saraptama taǵaıyndaldy.