Pavlodar oblysynda qoqys jáshiginiń janynan sábıdiń denesi tabyldy
PAVLODAR. QazAqparat - Polıtsııa tabyǵan náresteniń anasyn anyqtady. Onyń denesi Pavlodar oblysy Aqsý qalasynda qoqys tógetin orynnyń mańynan tabylǵan edi, dep habarlaıdy QazAqparat tilshisi.
«2018 jyldyń 21 qazanynda Aqsý qalasynda jańa týǵan náresteniń denesiniń tabylý faktisi boıynsha sotqa deıingi tergeý jumystary júrgizilip jatyr», - dep habarlady Pavlodar oblystyq ІІD baspasóz qyzmeti.
Polıtsııa jańa týǵan sábıdiń anasyn anyqtady, dep atap ótti ІІD-de.
«Osy is boıynsha saraptama taǵaıyndaldy. Oqıǵanyń mán-jaıy anyqtalyp jatyr», - dedi vedomstvo.
