Pavlodar oblysynda kireberisterdegi kameralardy polıtsııa beketterine qospaq
PAVLODAR. QazAqparat - Pavlodar oblysynyń Aqsý qalasynda polıtsııa men páter ıeleriniń kooperatıvteri urlyqqa qarsy birige kúresýge bel býyp otyr, dep habarlaıdy QazAqparat tilshisi.
«Páter ıeleri kkooperatıvi (PIK) ókilderiniń sózine qaraǵanda, vıdeobaqylaý kameralaryn ornatýdaǵy basty qıyndyq turǵyndardyń buǵan qarajat shyǵarǵysy kelmeıtindigimen baılanysty. Byltyr jergilikti atqarýshy organdar Aqsý aýmaǵynda «Qazaqtelekom» AQ-pen yntymaqtastyqta «Bulttyq qamtylym» baǵdarlamasy engizilip, PIK ókilderi úı ıelerimen birge kameralar ornatý boıynsha jumystar júrgizgen. Alaıda baǵdarlama sátti jalǵasyn tapqan joq», - deıdi Pavlodar oblystyq ishki ister departamentiniń baspasóz qyzmetiniń ókilderi.
Aqsý ishki ister bóliminiń basshylyǵy PIK jáne qalanyń TKSh ókilderimen kezdesip, urlyq-qaraqshylyqpen birge kúresý máselesin talqylady. Aıta keteıik, jyl basynan beri Aqsýda 89 urlyq deregi tirkelgen.
«Qaladaǵy úılerdiń kireberisinde vıdeobaqylaý kameralaryn ornatý týraly usynys engizdik. Ornatylatyn kameralardy polıtsııanyń ýchaskelik beketterine jalǵaý máselesi de sheshilip jatyr», - deıdi departament qyzmetkerleri.
