Pavlodar oblysynda «Qaýipsiz jol» jedel-aldyn alý is-sharasy ótkizildi
PAVLODAR OBLYSY. Qazannyń 19-y. QazAqparat - Pavlodar oblysy joldarynda jol apatyn azaıtý, avtokólik qatysýlarymen jol-kólik oqıǵalaryna jol bermeý maqsatynda, aǵymdaǵy jylǵy qazannyń 18-25-i kúnderi «Qaýipsiz jol» jedel-aldyn alý is-sharasy júrgizilýde, dep habarlaıdy oblystyq ІІD baspasóz qyzmetinen Janna Bilálova.
Aldyn alý is-sharasyn ótkizýdiń birinshi kúni polıtsııa qyzmetkerleri 292 jol júrý erejeleriniń buzýshylyǵyn anyqtady. Sonyń ishinde 28 júrgizýshi tıesili qujattarsyz avtokólik róline otyrǵan, 29 júrgizýshi qaýipsizdik belbeýin qoldanbaǵan, 17 júrgizýshi avtokólikterin alkogoldi mas kúıinde basqarǵan, 15 júrgizýshi uıaly telefondarymen sóılesken jáne 11 júrgizýshi jaıaý júrginshilerdi ótkizbegen.
Sonymen qatar, óńirdiń polıtsııa qyzmetkerleri jolaýshy kólikteriniń júrgizýshileri jol bergen 7 JQE buzýshylyqtaryn anyqtady. Al 2 buzýshylyqqa memlekettik avtokólik júrgizýshileri jol berdi.
Odan basqa, 55 apattyq-qaýipti ýchaskeler jáne respýblıkalyq mańyzy bar avtomobıl joldary tekserildi, nátıjesinde 1123 aqaý anyqtaldy.
Sonymen qatar, jol polıtsııasy jáne Pavlodar qalasy ІІB krımınaldy polıtsııa qyzmetkerleri esh jerde jumys istemeıtin jáne oqymaıtyn 17-23 jas aralyǵyndaǵy Astana qalasynyń turǵyndaryn ustady, olar aǵymdaǵy jyldyń 14 qazanynda oblys ortalyǵynda Abaı kóshesi boıyndaǵy dúkende satýshydan ashyq túrde 130000 teńge somaǵa múlikti ıelengen. Qazirgi ýaqytta tonaý faktisi boıynsha qylmystyq is qozǵaldy. Ustalynǵandardyń bireýi qamaýǵa alyndy, ekeýine qatysty eshqaıda shyqpaý týraly qolhat- bultartpaý sharasy tańdaldy.
Aqsý qalasynda Entýzıastar kóshesi boıyndaǵy №9 úıdiń aýlasynda jol polıtsııasy qyzmetkerleri kásibı lıtseıdiń 23 jasar stýdentin ustady, odan «podjıg» tıpti qoldan jasalǵan tapansha tárkilendi. Mamandardyń qorytyndysyna sáıkes atýǵa jaraıtyn oq-dári qarýy bolyp tabylady. Dárimen atatyn qarýdy daıyndaý, zańsyz saqtaý faktisi boıynsha qylmystyq is qozǵaldy. Ustalǵanǵa qatysty eshqaıda shyqpaý týraly qolhat- bultartpaý sharasy tańdaldy.
