Pavlodar oblysynda qatty jelden jaryqsyz qalǵan aýyldarǵa jaryq berildi
PAVLODAR. QazAqparat -Pavlodar oblysynda qatty jelden jaryqsyz qalǵan aýyldarǵa jaryq berildi, dep habarlaıdy QazAqparat.
Pavlodarnews.kz-tiń jazýynsha, Aqsý qalasynda bir ǵımarattyń shatyryn jel ushyrǵany anyqtaldy.
Eske salaıyq, túnde qatty jel soǵyp, birneshe ǵımarattyń shatyryn jel ushyryp ketti. Oǵan qosa, Maı aýdanynda 5 aýyl, Aqqýly aýdanynda 16 aýyl jaryqsyz qaldy.
«Aýyldarǵa jaryq berildi. Jaǵdaı baqylaýda. Shatyryn jel ushyrǵan ǵımarattarda qalpyna keltirý jumystary bastalýda», - dedi oblystyq tótenshe jaǵdaılar departamentinde.
Sonymen qatar, 8 naýryz kúngi saǵat 12:20-daǵy jaǵdaı boıynsha Aqsý qalasy Dónentaev kóshesi, 50 mekenjaıyndaǵy qalalyq memlekettik kirister basqarmasynyń 3 qabatty ǵımaratynyń shatyryn jel ushyrǵany anyqtaldy. Shatyrdyń jalpy kólemi 612 sharshy metrdi quraıdy. Onyń 120 sharshy metrin jel ushyrǵan.
Zardap shekkender joq. Shatyrǵa sońǵy ret jóndeý jumystary 2015 jyly júrgizilgen.
