Pavlodar oblysynda kartop pen kókónistiń baǵasy ósti
PAVLODAR. QazAqparat - Aǵymdaǵy jyly óńirde óndiriletin kartop pen kókónisterge suranys joǵary bolyp otyr.
Osyǵan baılanysty 2017-2018 jyldary qysqy-kóktemgi kezende áleýmettik dúkenderdi ónimmen qamtamasyz etý boıynsha qol qoıylǵan memorandým shenberinde baǵalar qaıta qarastyryldy, dep habarlaıdy pavlodarnews.kz .
Bul jóninde oblys ákiminiń orynbasary Baýyrjan Qasenovtyń tóraǵalyǵymen ótken jıynda belgili boldy. Oblystyq aýyl sharýashylyǵy basqarmasynyń basshysy Oraz Dúzdenbaevtyń aqparatyna súıensek, qol qoıylǵan memorandýmǵa saıkes kókónis saqtaý qoımalarynan qazan aıynan keler jyldyń 1aqpanyna deıin kartop pen pııazdy bosatý quny kelisine 70 teńge bolsa, 1 aqpannan 31 naýryzǵa deıin 80 teńge bolyp bekitildi. Al, bólshek saýdada 15 teńgege qymbat saýdalanady. Áleýmettik dúkenderde taýar baǵalary bosatý qunyna 5 teńge ústeme qosylady. Oblystyq kásipkerlik, saýda jáne týrızm basqarmasy basshysynyń orynbasary Oksana Davydenko atap ótkendeı, áleýmettik dúken sórelerindegi bul ónimder baǵa kórsetkishteri qyzyl túspen «áleýmettik» dep jasalady. Baǵa ákimdikpen basqarma tarapynan kúndelikti monıtorıng júrgizilip baqylaýda bolady.
Eske sala keteıik, oblystyq aýyl sharýashylyǵy basqarmasynyń basshysy Oraz Dúzdenbaev kókónis baǵasy óspeıtindigin budan buryn baspasóz maslıhatynyń birinde aıtqan bolatyn. Buǵan deıin kartop baǵasy 1 aqpanǵa deıin 50 teńge, al, mamyrǵa deıin 60 teńgege kóleminde boljanǵan bolatyn.
