Pavlodar oblysynda kartop baǵasynyń maýsymdyq ósýine jol bermeý ádisi tabyldy
PAVLODAR. QazAqparat - Pavlodar oblysynda aldaǵy qysqy-kóktemgi kezeńde kartop qunynyń ósýine jol bermeý boıynsha sharalar qabyldanýda.
Óńir bıligi ishki naryqty kartoppen tolyq qamtamasyz etý úshin ár sharýashylyq óniminiń 15%-yn qaldyrýdy jáne ony áleýmettik dúkenderge kılogramy 70 teńgeden aspaıtyn baǵamen satýdy kartop ósirýshi jergilikti iri sharýashylyqtarmen kelisti, – dep habarlaıdy Pavlodar oblysy ákimdiginiń baspasóz qyzmeti.
Óńir basshysy Ábilqaıyr Sqaqovtyń qatysýymen basqarmalar men 16 sharýa qojalyǵynyń basshylary tıisti memorandýmǵa qol qoıdy.
«Naýryz aıynda dúken sórelerindegi kartop kúrt qymbattaǵan kezde halyq túsinbeı qaldy, – dedi Ábilqaıyr Sqaqov sharýalarmen ótken kezdesýde.
«Maýsymaralyq kezeńde belgilengen baǵa boıynsha kókónis ónimderiniń qoryn qarastyrýymyz kerek. Árıne, buǵan qosa kartop alypsatarlarynyń tizbegin baqylaý kerek, munymen de aınalysamyz. Biraq eń aldymen kartop óndirýshilermen ózara túsinistikke qol jetkizý mańyzdy»-dedi ol.
