Pavlodar oblysynda káriz qudyǵyna túsip ketken bala qutqaryldy
PAVLODAR. QazAqparat - Oqıǵa Aqsý qalasy aýmaǵynda Bereke aýylynda bolǵan, dep habarlaıdy QazAqparat tilshisi.
«Zardap shekken bes jasar bala qatty tońyp, aqpasýǵa shashalyp qalǵan, alaıda dárigerler ony qutqaryp qaldy», - dep habarlady búgin tańerteń jedel járdem stansasynyń baspasóz qyzmeti.
Oqıǵa senbi kúni Aqsý qalasynyń aýyldyq aımaǵyndaǵy Bereke aýylynda bolǵan, dep atap ótti vedomstvoda. Áreń tynys alyp jatqan balany qudyqtan tótenshe jaǵdaılar departamentiniń qyzmetkerleri shyǵaryp alǵan.
«Keıin jedel járdem qyzmeti iske kiristi - balaǵa tynys alý joldarynyń aspıratsııasy jáne qatty salqyn tııý degen dıagnoz qoıyldy. Reanımatsııalyq kómek kórsetilgennen keıin zardap shegýshini Aqsý ortalyq aýrýhanasyna apardy», - dep málimdedi baspasóz qyzmeti.
Búgin balany sanavıatsııa arqyly Pavlodardaǵy oblystyq balalar aýrýhanasyna jetkizgen.
