Pavlodar oblysynda qarǵa batqan mashınadan er adam qutqaryldy
PAVLODAR. QazAqparat - Pavlodar oblysynda kóligi jol jıegindegi jyradaǵy qarǵa batqan er adam polıtsııa qyzmetkerleriniń kómegimen qutqaryldy, dep habarlaıdy «QazAqparat» HAA tilshisi.
«20:00 shamasynda Pavlodar turǵyny qolaısyz aýa raıyna qaramastan «Nissan Cedric» markaly avtokóligimen Ekibastuzǵa jolǵa shyqqan. Kúre jolda kólikti basqara almaı, jyradaǵy omby qarǵa túsip ketken», - deıdi Pavlodar oblysy ishki ister departamentindegiler.
Er adam jalǵyz ózi kóligin jolǵa shyǵara almaǵan. Polıtsııa qyzmetkerleriniń aıtýynsha, kómek kelgenshe bir saǵattaı aıazda qalyp qoıǵan. Oqıǵa Pavlodar - Qyzylorda avtojolynyń 44-shi kılometrinde bolǵan.
«Aǵa serjanttar Baýyrjan Tókenov pen Azbek Qamzın tóbesine deıin qarǵa batqan mashınany kórip, kómekke kelgen. Olar qardy kúrekpen kúrep, mashınany shyǵardy», - deıdi polıtsııadaǵylar.
53 jastaǵy júrgizýshi polıtsııaǵa alǵysyn aıtyp, úıine qaraı jol tartty.
