Pavlodar oblysynda qaraýsyz qalǵan myń gektar egistik bar
PAVLODAR. QazAqparat - Pavlodar oblysy ákimdiginde bolǵan keńeste jaramdy jerlerdi paıdalaný máseleleri qozǵalyp, Ertis, Jelezınsk aýdandarynyń ár aýylynda paıdalanylmaıtyn egis ýchaskeleri bar ekeni belgili boldy, dep habarlady «QazAqparat» HAA tilshisi oblystyq ákimdik baspasóz qyzmetine silteme jasap.
Mysaly, Ertis aýdany I. Baızaqov aýylynda 24 myń ga egistiktiń 19 myń gektary óńdelmegen, 8 myńy múldem paıdalanylmaıdy. Panfılov aýdanynda aýdan ákimi Vıktor Dýbovıtskııdiń derekterine sáıkes 5,5 myń gektar jerdiń 4,5 myńy paıdalanylmaıdy. Bul rette topyraq sapasy 35 ball jáne odan joǵary. Óńir basshysy B. Baqaýovtyń aıtýynsha, bul rette ákimder jumys júrgizip jatqan joq. «Bul qylmys qoı, - dedi Baqaýov, - qunarly jerge bulaı nemquraıly qaraýǵa bolmaıdy».
Jelezınsk aýdanynda da osyndaı jaǵdaı. Lesnoı aýyldyq okrýginde 29 myń gektar jerdiń úshten biri ǵana óńdelgen. Óńir basshysynyń jerdi durys paıdalanbaǵan fermerlerge yqtımal tekseris jaıly habarlama jaıly saýalyna Qabıbolla Ábýshahmanov agrarshylar budan kóbine qashqaqtaıdy, dep jaýap berdi. «Jelezınsk aýdanynyń eń qunarly jerlerine egis egilmegen. Barlyq jerge qarasuly ósip ketken», dedi ákim. Ol muny tekserýge birneshe kún berdi. Egistikti paıdalanbaǵan sharýa jáne fermerlik qojalyqtarǵa baılanysty naqty sharalar qabyldandy.
