Pavlodar oblysynda qaraýsyz qalǵan buqa bireýdiń kóligin súzip, búldirdi
PAVLODAR. QazAqparat – Oqys oqıǵa Pavlodar oblysynyń Tereńkól aýylynda bolǵan, dep habarlaıdy QazAqparat tilshisi.
«Aýyl turǵyny óziniń malyn óristen ýaqytynda kútip almaǵan. Nátıjesinde ıesine «renjigen» buqa aýyl kóshelerin kezip júrgen. Bir kezde buqanyń kózi turaqta turǵan «ÝAZ Patrıot» kóligine túsedi. Avtokólikke arqasyn qasymaq bolǵan buqa oǵan zaqym keltirdi», - dedi Pavlodar oblysynyń polıtsııa departamentiniń ókili.
Kólik ıesi basqa bireýdiń buqasynyń kóligin zaqymdaǵanyn kórip, birden polıtsııaǵa habarlaǵan. «Maldyń ıesi tabyldy. Ol ákimshilik jaýapqa tartyldy. «Maldy óriske jibergen kezde ony qaraýsyz qaldyrmańyz, ýaqytynda kútip alyńyz. Sizdiń beıqamdyǵyńyzdyń saldary shyǵynǵa ushyratýy múmkin», - deıdi tártip saqshylary.