Pavlodar oblysynda karantındik sharalar kúsheı̆tilýi múmkin
PAVLODAR. QazAqparat – Jaǵdaı̆dyń odan ári ýshyǵýy karantındi kúsheı̆týge jáne shekteý sharalardy qaı̆ta engizýge ákelýi múmkin. Bul týraly Pavlodar oblysynyń ákimi Ábilqaıyr Sqaqov aıtty, dep habarlaıdy QazAqparat.
«Oblystaǵy epıdemıologııalyq jaǵdaı̆ kúrdelene tústi. Sońǵy aptada koronavırýsty juqtyrýdyń 112 jańa jaǵdaı̆y tirkeldi. Іndetten qaıtys bolǵandardyń sany 13-ke jetti. Bul aı̆maqtar arasyndaǵy eń joǵary kórsetkish, respýblıka boı̆ynsha ekinshi oryndamyz. Búgin men koronavırýsty aldyn alý máselesine arnalǵan aı̆maqtyq jedel shtabtyń otyrysyn ótkizdim. Onyń barysynda qalalar men aýdandardyń ákimderine, quqyq qorǵaý organdaryna, sondaı̆-aq prokýratýra organdary úlestiretin baqylaý toptaryna birqatar tapsyrmalar berdim. Óńirde koronavırýspen kúresýdiń keshendi jospary qabyldandy jáne qazirgi jaǵdaı̆ǵa qatysty barlyq pikirler eskerildi», dedi ákim jelidegi paraqshasynda .
Sondaı-aq, ákim jaǵdaı̆dyń odan ári ýshyǵýy karantındi kúsheı̆týge jáne shekteý sharalardy qaı̆ta engizýge ákelýi múmkin eskertti.Buǵan deıin QR Úkimeti janyndaǵy Koronavırýs ınfektsııasynyń taralýyna jol bermeý jónindegi vedomstvoaralyq komıssııa otyrysynda ákimderge óńirlerdegi karantın sharalaryn kúsheıtýdi qarastyrý tapsyrylǵan edi.
Qaraǵandy oblysynda karantındik sharalar qaıta kúsheıtildi. 13 maýsymnan bastap óńirdegi saýda-oıyn-saýyq ortalyqtary, azyq-túlik jáne azyq-túlik emes bazarlarda shekteýli ýaqytpen jumys isteı bastady.
Al 14 maýsymnan bastap Jambyl oblysynda karantındik sharalar kúsheıtildi jáne Kókshetaý qalasynda blokpostar qaıta qoıyldy.