Pavlodar oblysynda qaraqshylar ekspedıtorlardyń 8,5 mln teńgesin tartyp alǵan
PAVLODAR. QazAqparat -Pavlodar oblystyq polıtsııa departamentiniń polıtsııa qyzmetkerleri izin sýytpaı tórt saǵattyń ishinde qaraqshylyq shabýyl jasaǵan kúdiktilerdi qolǵa túsirdi, dep habarlaıdy pavlodarnews.kz.
Bul týraly polıtsııa departamentiniń ǵımaratynda ótken baspasóz máslıhatynda qylmystyq polıtsııa basqarmasy bastyǵynyń orynbasary, polıtsııa polkovnıgi Denıs Loskýtov mádim etken.
«14 qarasha kúni Dostyq aýylyndaǵy dúkenniń mańynda qaraqshylyq shabýyl jasaldy. Qaskúnemder medıtsınalyq betperde kıip alyp, qarý qoldaný arqyly temeki ónimderin saýdalaýmen aınalysatyn JShS-ǵa tıesili sýpervaızerge shabýyl jasaǵan. Qylmysty ashý úshin oblystyq polıtsııa departamentiniń jeke quramy tolyǵymen jumyldyryldy. Bul iske qatysy bar degen kúdikpen 34, 36 jáne 48 jastaǵy úsh adam ustaldy. Olardyń barlyǵy oblys turǵyndary. Atalmysh fakti boıynsha aldyn ala tergeý sharalary júrip jatyr»,- dedi Denıs Loskýtov.
Polıtsııa polkovnıginiń aıtýynsha, asa aýyr qylmys jasaǵan kúdiktiler aldyn ala jospar qurǵan. Ekspedıtorlardyń sońyna túsip, birneshe kúnnen beri marshrýt baǵytyn, qandaı dúkenderge baratyndyǵyn baqylaǵan. Budan keıin adam júrmeıtin jerdi tańdap, shabýyl jasaǵan. Saldarynan 8,5 mln teńge kóleminde shyǵyn keltirgen. Bul qarajat ıelerine qaıtaryldy. Sanktsııa boıynsha qarý qoldaný arqyly qaraqshylyq shabýyl jasaǵan qylmystyq top 10 jylǵa deıin bas bostandyǵynan aıyrylýy múmkin.
Qazirgi tańda QR QK-niń 192-babyna sáıkes tergeý júrgizilýde. Qaraqshylar travmatıkalyq tapanshamen qorqytý arqyly mashınadaǵy aqshany tartyp alǵan. Zardap shekken eki sýpervaızer 1993 jylǵy jáne 1976 jylǵy azamattar. Olar arnaıy jabdyqtalǵan Gazel kóligimen taýar tasymaldaǵan. Óz kinásin moıyndaǵan qaraqshylar polıtsııa basqarmasynyń ýaqytsha ustaý oqshaýlaǵyshyna qamaldy. Buǵan deıin eshqaısysy sotty bolmaǵan. Olardyń bireýi buryn osyǵan uqsas shylym ónimderin saýdalaıtyn JShS-da eńbek etken jáne sýpervaızerdiń jumysyn bilgen.
