Pavlodar oblysynda qant qyzylshasy otyrǵyzylady
PAVLODAR. QazAqparat - Ertis óńirinde bolashaq qant zaýytyna shıkizat bazasyn daıyndaý jumystary jalǵasýda, dep habarlaıdy pavlodarnews.kz.
Bul týraly oblys ákimi Pavlodarda JohnDeere markaly aýylsharýashylyq tehnıkalaryna qyzmet kórsetetin servıstik ortalyq salýdy josparlap otyrǵan «Eurasia Group Kazakhstan» JShS ókilderimen kezdesý kezinde máálim etti.
Bolat Baqaýovtyń aıtýynsha, qyzylsha otyrǵyzýǵa arnalǵan tuqymdar KWS nemis kompanııasynan alynady. - Ádettegideı, tájirıbelik otyrǵyzý kezinde bizdiń birneshe sharýa qojalyqtary bir gektar jerge qyzylsha ekken kezde kishigirim tehnıkalyq qatelikter jiberildi, biraq bul jumystyń búgingi nátıjeleri jaqsy, - dedi óńir basshysy. – Qyrkúıek aıynda biz bir tamyr daqylynyń qansha salmaq bolatynyn, sondaı-aq ósirilgen qyzylshadaǵy qant mólsherin anyqtaımyz. Kelesi jyly 400 gektar qant qyzylshasyn otyrǵyzatyn bolamyz.
Eske salaıyq, osylaısha Pavlodar oblysynda taıaý jyldary
iske qosylýy josparlanǵan qant zaýyty úshin shıkizat bazasyn daıyndaý bastaldy. Zaýyt jobasynyń tehnıkalyq-ekonomıkalyq negizdemesin
reseılik «BMA Rýssland» kompanııasy daıyndady. Injenerlik jelilerge qosylýdyń
tehnıkalyq sharttary alyndy. Qazirgi ýaqytta jobalyq-smetalyq qujattama
ázirlenýde.
