Pavlodar oblysynda qandaı kólde muz ústinde balyq aýlaý qaýipti
PAVLODAR. QazAqparat - Pavlodarlyq qutqarýshylar qysta muz ústinde balyq aýlaý kezindegi qutqarý quraldaryn umytyp ketpeý kerektigin eske salady, dep habarlaıdy QazAqparat.
«Qutqarýshylardy «GRES-2» JShS-nyń ıeligindegi Shandyqsor sý qoımasy alańdatady. Munda jyl saıyn Ekibastuz qalasynda ornalasqan tótenshe jaǵdaılar otrıadynyń qyzmetkerleri qutqarý jumystaryn júrgizedi. Sonymen qatar, atalǵan sý qoımasy qutqarý otrıady bólimshesinen alys bolǵandyqtan (shamamen 50 shaqyrym) qutqarýshylar kelip jetkenshe kóp ýaqyt ketedi, ári qutqarý jumysyn der kezinde júrgizýge múmkindik bermeıdi. Sondyqtan bul sý qoımasynda qazirgi ýaqytta muz betine shyǵý qaýipti», - dedi Pavlodar oblystyq Tótenshe jaǵdaılar departamentiniń ókilderi.
Eki jarym apta ishinde Pavlodar oblystyq TJD jedel-qutqarý jasaǵynyń qyzmetkerleri 50 reıd ótkizdi. Olar 1 610 adamǵa túsindirý jumystaryn júrgizip, olarǵa qaýipsizdik sharalary týraly jazylǵan 1 297 broshıýra tapsyrdy.
«Qutqarýshylar jergilikti polıtsııa qyzmetimen birlesip, ár aptanyń demalys jáne mereke kúnderi saıyn reıd ótkizip, tıisti qaýipsizdik talaptaryn saqtamaǵan tulǵalarǵa saqtyqty umytpaýdy, jaýapty bolý kerektigin eskertedi», - dep atap ótti TJD qyzmetkerleri.
