Pavlodar oblysynda qalalyq máslıhattyń qyzmetkerin sebepsiz soqqyǵa jyqqan kúdiktiler quryqtaldy
ASTANA. 24 naýryz. QazAqparat /Jasulan Amanbaıuly/ - Pavlodar oblysynda ótken jyldyń jeltoqsan aıynda qalalyq máslıhattyń 49 jastaǵy qyzmetkerine qatysty buzaqylyq jasaǵan kúdikti eki jas jigit ustaldy.
Bul týraly búgin Astanada ótken brıfıngte QR ІІM-niń baspasóz qyzmetiniń bastyǵy Qýanyshbek Jumanov málim etti.
Q. Jumanovtyń aıtýynsha, kúdiktiler 22-24 jas aralyǵyndaǵy jergilikti turǵyndar. Olar buzaqylyq nıetpen jábirlenýshige úıiniń janynda eshbir sebepsiz dene jaraqattaryn keltirip, boı tasalaǵan.
Qazirgi ýaqytta ustalǵandar qamaýǵa alyndy. Sondaı-aq olardyń osyǵan uqsas ashylmaǵan qylmystarǵa qatystylyǵy tekserilýde.
