Pavlodar oblysynda qaqaǵan aıazda jolda qalǵan 16 adam qutqaryldy
PAVLODAR. QazAqparat - Aqsý qalasyna qarasty Qalqaman kentiniń janynda turyp qalǵanToyota Caldina avtokóliginiń jolaýshylary 5 aqpan kúni saǵat 22.50-de jylytý pýnktine jetkizildi, dep habarlaıdy pavlodarnews.kz.
«Astana - Ereımentaý - Shiderti respýblıkalyq tas joly aýa raıyna baılanysty jabylǵany belgili. Shiderti kentinen Aqmola oblysynyń shekarasyna deıin avtokóliktiń barlyq túrine shekteý qoıylǵanyna qaramastan Toyota Caldina avtokóligimen tórt adam Astana qalasyna jolǵa shyqqan. Budan basqa, saǵat 23.30-te kezekshilik bólimine Jelezın aýdanynyń Jelezın aýylynda «Mercedes-Benz Sprinter» markaly avtobýs № 1 mektep ınternatyndaǵy jylytý pýnktine jetkizilgeni týraly habarlama tústi»,- deıdi oblystyq TJD-niń baspasóz qyzmetinde.
Sondaı-aq Omby - Pavlodar baǵytynda jolǵa shyqqan kólikte 12 adam bolǵan. Onyń tórteýi - Reseı Federatsııasynyń azamattary. Bári de qutqaryldy.
Aıta keterligi, keshe respýblıkalyq mańyzy bar jáne oblystyq joldardyń jabylýyna baılanysty barlyq baǵytta dızeldi jáne qoǵamdyq kólikterge shekteý qoıyldy.
Sınoptıkterdiń boljamyna súıensek, búgin óńirde jeldiń jyldamdyǵy sekýndyna 15-20, keı jerlerde 23-28 metrge deıin kúsheıedi.
