Pavlodar oblysynda iz-túzsiz ketken aǵaıyndylardyń bireýiniń denesi tabyldy
PAVLODAR. QazAqparat – Pavlodar oblysynda eki aǵaıyndy joǵalyp, biriniń denesi jazyq daladan tabyldy. Polıtsııaǵa olardyń joǵalǵanyn Ekibastuzda turatyn ápkesi habarlaǵan, dep habarlaıdy QazAqparat.
«19 qazan kúni Aqsý qalasynyń polıtsııa bólimine Ekibastuz turǵyny kelip, eki aǵasynyń iz-túzsiz joǵalǵany týraly ótinish jazǵan», - dep baıandady Pavlodar oblystyq polıtsııa departamentiniń baspasóz qyzmetinen.
Anyqtalǵandaı, 5 qazan kúngi saǵat 17:00 shamasynda Aqjol aýylyna jaqyn ornalasqan sharýa qojalyǵynyń otarlyǵynan ketken 1967 jáne 1985 jylǵy aǵaıyndylardan osy kúni habar joq.
Aǵaıyndylardy izdeý jumystaryna polıtsııa jáne shekara mańy aýdandarynyń búkil jeke quramy jumyldyrylǵan.
Arnaıy jedel-izdestirý toby quryldy.
«25 qazan keshinde otarlyqtan 20 shaqyrym jerdegi jazyq dalada 1967 jylǵy er adamnyń zorlaý belgileri bolmaǵan óli denesi tabyldy. Sot-medıtsınalyq saraptamanyń qorytyndysy boıynsha, er adamnyń ólimine deneniń qatty tonýy sebep bolǵan», - dep túıindedi polıtsııadan.
Polıtsııa jáne Pavlodar oblysyndaǵy eriktiler ekinshi er adamdy izdeý jumystaryn jalǵastyryp jatyr.
