Pavlodar oblysynda irimshik óndiretin tseh órtendi
ASTANA. QazAqparat - Pavlodar oblysynyń Ýspen aýdanynda irimshik óndiretin tseh shatyrynan órt shyqty, dep habarlaıdy QazAqparat QR ІІM Tótenshe jaǵdaılar komıtetine silteme jasap.
Órt saldarynan 500 sharshy metr aýmaqty ot sharpyǵan.
«Saǵat 12:45-te órtke qarsy qyzmet pýltine Pavlodar oblysy Ýspen aýdany Konstantınovka aýylyndaǵy tsehtiń órtenip jatqany týraly aqparat kelip tústi. «REG taım» sharýa qojalyǵyna eń jaqyn órt sóndirý bólimi 35 shaqyrym jerde ornalasqan jáne alǵashqy órt sóndirýshiler saǵat 13:50-de jetti. Olar irimshik óndiretin tsehtiń shatyrynan órt shyqqanyn anyqtady», - dep habarlady QR ІІM Tótenshe jaǵdaılar komıtetiniń resmı ókili Nursultan Nurahmetov.
Saǵat 14:12-de tilsiz jaý aýyzdyqtaldy. Ony sóndirýge Órt sóndirý qyzmetiniń 7 qyzmetkeri men 2 tehnıkasy jáne erikti órt sóndirýshiler qurylymynyń 30 qyzmetkeri men 7 tehnıkasy atsalysqan. Órt saǵat 17.00-de tolyq sóndirildi.
«Tótenshe oqıǵadan eshkim zardap shekken joq. Órt sebepteri anyqtalyp jatyr», - delingen resmı habarda.
