Pavlodar oblysynda iri metallýrgııalyq klaster qurylady
Elimizde alǵash ret bir alańda ferroqorytpa óndiretin kásiporyn, bolat balqytatyn keshen jáne temir shyǵaratyn DRI fabrıkasy sııaqty 3 joǵary tehnologııalyq nysan salynady. Metallýrgııalyq klaster aımaqtyń ǵana emes, sonymen qatar elimizdiń damýyna da tyń serpin bermek.
Joba ońtústikkoreıalyq tehnologııalyq seriktespen birlese júzege asyrylady. Bul týraly ýaǵdalastyqqa Memleket basshysy Qasym-Jomart Toqaevtyń 2021 jylǵy tamyz aıynda Koreıa Respýblıkasyna jasaǵan sapary aıasynda qol jetkizilgen bolatyn. Onyń nátıjesinde «Mineral Product» JShS men ońtústikkoreıalyq SAC Co ınjınırıngtik kompanııasy ferroqorytpa óndiretin zaýyt qurylysyn salý týraly ózara Kelisimge qol qoıdy.
Jobany tanystyrý barysynda bolashaq ferroqorytpa shyǵaratyn kásiporynnyń irgetasyna kapsýla salyndy. Sondaı-aq, metallýrgııalyq klasterlik jobalardy birlesip júzege asyrý týraly Hyundai Rotem jáne POSCO International kompanııalary arasynda ózara yntymaqtastyq týraly memorandýmǵa qol qoıyldy.
Jylyna 160 myń tonna ónim shyǵaratyn ferroqorytpa zaýytynyń qurylysy men ony iske qosýǵa 360 mln AQSh dollary kóleminde ınvestıtsııa salynǵan. Jobanyń tehnologııalyq artyqshylyǵy – keń kólemdegi jáne premıým segmentti ferroqorytpa ónimderin shyǵarýy. Zaýyt ónimi alǵashynda eksportqa baǵyttalmaq. Keıin ishki naryqty qamtamasyz etý kózdelip otyr.
Al, bolat qorytatyn keshen jáne DRI fabrıkasynyń qurylysy men olardy iske qosýǵa 1,5 mlrd dollar kóleminde qarjy jumsalady. Atalǵan jobalar júzege asqan jaǵdaıda jylyna 3 mln tonna keń kólemdegi bolat ónimderin shyǵarý josparlanyp otyr.
«Qazaqstannyń ishki naryǵynda metallýrgııalyq ónimderge degen joǵary suranys, eldegi metallýrgııalyq salany damytýdyń mol múmkindigi jáne memleket tarapynan ınvestorlarǵa jasalatyn qoldaý men ınvestıtsııalyq ahýaldyń oń bolýy arqasynda atalǵan jobany iske asyrýǵa múddelimiz. Pavlodar oblysynda qajetti shıkizat pen resýrstar qory jetkilikti. Atap aıtqanda, óńirde elektr energııasy, temir rýdasy, kvartsıt, kómir qory jetkilikti. Sonymen qatar, bul tarapta bilikti mamandar da aıryqsha ról atqarady. Bizdiń kásiporyndarda qazaqstandyq mamandardyń jumys isteýine basymdyq berip otyrmyz. Buǵan sebep te joq emes. Qazaqstandaǵy metallýrgııalyq salada bilimdi, tájirıbeli kadrlar jetkilikti», - deıdi kompanııanyń aktsıoneri Sergeı Kan.
Kómirtekti beıtaraptyq tujyrymdamasy aıasynda qol jetkizilgen Parıj kelisimindegi mindettemelerdi iske asyrý sheńberinde metallýrgııalyq klaster salasynda ónim óndirýde álemdik úzdik tehnologııalar qoldanylmaq. Bul sheshim jobanyń tıimdiligin arttyrady. Zamanaýı tehnologııalardyń qorshaǵan ortaǵa tıgizetin áseri de tómen bolmaq.
Osy rette aıta keterligi, óńirdiń óndiristik qýattylyǵyn zerdeleýge jáne SO2 ýtılızatsııalyq tehnologııasyn qoldanýdyń tetikterin saraptaý boıynsha jobaǵa Qazaqstan munaı jáne gaz ınstıtýty men Schlumberger kompanııasy tartylyp otyr.
Klaster quramyndaǵy úsh kásiporyn tolyq iske qosylǵan kezde 2 700 jańa jumys orny ashylady. Onyń 826-sy ferroqorytpa óndiretin kásiporynda qurylmaq.
Foto: QR Indýstrııa jáne ınfraqurylymdyq damý mınıstrliginiń baspasóz qyzmeti
