Pavlodar oblysynda gollandııalyq robottar sıyr saýady

ASTANA. QazAqparat – Astanada aýyl sharýashylyǵy tehnıkasyn shyǵaratyn gollandııalyq Lely group kompanııasy men qazaqstandyq «BIK» sharýa qojalyǵy Pavlodar oblysynda avtomattandyrylǵan sút fermasyn ashý jóninde yntymaqtastyq týraly memorandýmǵa qol qoıdy, dep habarlaıdy QazAqparat tilshisi.

«Biz Qazaqstanda tolyqtaı robottandyrylǵan birneshe ferma salýdy josparlap otyrmyz. Qazaqstandy zerttep te úlgerdik. Munda eki seriktesimiz bar, biri Pavlodarda, ekinshisi Aqtóbede. Bul eki seriktesterimizdiń taýarlary búkil el boıynsha satylýda», - dedi gollandııalyq kompanııanyń TMD elderindegi ókili Ierýn Kaızer Qazaqstan-Nıderland bıznes forýmy aıasynda.

Onyń aıtýynsha, kompanııa álemde birinshi bolyp sıyr saýatyn jáne olardy azyqtandyratyn robottar shyǵarýdy qolǵa alǵan.

Bir robot 60 sıyrdy kúnine úsh ret saýa alady.

Zaýyt jyl saıyn shamamen 4 myń robot shyǵarady, mundaı bir qurylǵynyń quny fermerler úshin shamamen 150 myń eýrony quraıdy.

Ol jaqyn arada kompanııanyń Reseıdegi ókildigi Qazaqstanǵa qonys aýdarýdy josparlap otyrǵanyn atap ótti.

«Astanada jergilikti qyzmetkerler jumys isteıtin shaǵyn keńse men qoıma ashýdy josparlap otyrmyz», - dedi Ierýn Kaızer.

Foto: agrartechnikonline.de