Pavlodar oblysynda gaz ballony jarylyp, er adam mert boldy
BAıANAÝYL. QazAqparat – Qaıǵyly oqıǵa Baıanaýyl aýdanynda boldy, dep habarlaıdy QazAqparat tilshisi.
«On ekinshi aqpan kúni saǵat 17:10-da Pavlodar oblysy, Baıanaýyl aýdany, Qaratomar aýylynda eki páterli turǵyn úıdiń as bólmesinde gaz ballony jarylǵan (ballonnyń syıymdylyǵy – bes lıtr). Órt bolmady, biraq 80 sharshy metr aýmaqtyń shatyry qırady (úıdiń jalpy kólemi – 90 sharshy metr). Qıraǵan jerde 1989 jyly týǵan er adamnyń denesi tabyldy», - dep habarlady Pavlodar oblystyq Tótenshe jaǵdaılar departamentiniń baspasóz qyzmeti.
Eki qolyn, betin, arqasyn ekinshi jáne úshinshi dárejedegi kúıik shalǵan 1967 jyly týǵan úı ıesi Baıanaýyl aýylynyń ortalyq aýdandyq aýrýhanasyna jetkizildi.
«Páterde kerme tóbeler ornatý jumysy júrgizilgen. Gaz ballony qatty otynmen janatyn jylytý peshiniń janynda bolǵandyqtan jarylǵan», - dep tolyqtyrdy aımaqtyq TJD.
Tótenshe jaǵdaıdyń aldyn ala sebebi – gaz ballonyn paıdalaný kezinde órt qaýipsizdik erejelerin saqtamaý bolyp otyr.
«Kórshi páterde 1978 jyly týǵan er adam men, 1943 jyly týǵan áıel turady. Oqıǵa kezinde olar zardap shekpedi. Páter turýǵa jaramsyz bolyp qalǵan (qulaý qaýpi bar). Ondaǵy otbasy músheleri qazirgi ýaqytta týystyrynyń úıinde», - dedi qutqarýshylar.
