Pavlodar oblysynda fontanda shomylǵan balany toq soqty
«Ótken demalysta Pavlodar oblysynda fontanda shomylyp júrgen balany toq soqty. Ondaı jerlerde sýǵa túsýge múldem tyıym salynǵan. Sanıtarlyq dárigerler de ruqsat etilmegen jerlerde shomylýdyń qaýipti ekenin aıtady. Alaıda balanyń aty – bala, oınaǵandy jaqsy kóredi. Sondyqtan ákimdikter fontandardyń jumysyn tekserip, balalardyń sýǵa túsýine jol bermeı, baqylaýdy barynsha kúsheıtýi tıis», - dedi Álıhan Smaıylov búgin Úkimet otyrysynda.
Premer-Mınıstrdiń aıtýynsha, atalǵan sharýǵa ákimdiktermen qatar Іshki ister mınıstrligi de jaýapty.
«Ońtústik óńirlerde adamdardyń kanaldarǵa shomylýy alańdatyp otyr. Olardyń kóbi qorshalmaǵan jáne sýǵa túsýge jabdyqtalmaǵan. Bul birinshi kezekte balalar úshin óte qaýipti. Balalardyń kanal sýyna batqan jaǵdaılar Almaty, Jambyl, Qyzylorda jáne Túrkistan oblystarynda kóp tirkeledi. Osy oraıda Túrkistan oblysynyń oń tájirıbesin atap ótkim keledi. Onda aryqqa nemese kanalǵa túskende batyp bara jatqan jaǵdaıda óz betinshe syrtqa shyǵýǵa múmkindik beretin arnaıy quraldar ornatylýda. Basqa óńir ákimdikteri osy tájirıbeni zerdelep, kanaldar men aryqtarda qaýipsizdikti qamtamasyz etý máselesin pysyqtaýy qajet», - deıdi Úkimet basshysy.
