Pavlodar oblysynda fermerlerdiń blokposttardan ótýine ótinishterin tirkeý júıesi engizildi
PAVLODAR. QazAqparat - Pavlodar oblysynda fermerlerdiń blokposttardan ótýleri úshin ruqsat alý ótinishterin tirkeý júıesi engizildi. Óńir aýyl sharýashylyǵy taýar óndirýshileri bul júıeniń artyqshylyqtaryn joǵary baǵalaýda, dep habarlaıdy pavlodarnews.kz.
«Fırma Argo» JShS dırektory Oleg Lıtvınenkonyń sózine qaraǵanda, bul óte yńǵaıly, ári tıimdi. - QR Aýyl sharýashylyǵy mınıstrligi kóktemgi egistik jumystary kezinde avtokólikterdiń blokposttarynan ótýdi jeńildetý júıesin qosý týraly sheshim qabyldady, - deıdi Oleg Lıtvınenko. – Bul fýnktsııa bizder burynnan sýbsıdııaǵa ótinish joldaıtyn paıdalanatyn portalda ornalastyryldy. Keshe ol alǵashqy ret Pavlodar oblysynda synaldy. Bizdiń ótinish-tilekterimiz eskerilgennen soń, bul júıe basqa oblystarda da qosyldy. Fermerdiń sózinshe, ótinish joldaý úshin nebári elektrondyq qoltańba ǵana kerek. Barlyq protsess eki-aq mınýt ýaqyt alady. - Bul jumysymyzdy edáýir jeńildetti, - deıdi Oleg Lıtvınenko. - Óıtkeni, portal ıeleri atalǵan fýnktsııany QR ІІM «Sergek» júıesimen ushtastyra bildi. Endigi ýaqytta bizge aýyl sharýashylyǵy taýar óndirýshi ekendigimizdi qaıta-qaıta túsindirýdiń qajeti joq. Biz týraly barlyq málimet elektrondyq formatta saqtaýly.
