Pavlodar oblysynda fermerler maldyń qaıda júrgenin smartfon arqyly biledi

PAVLODAR. QazAqparat - Maı aýdanynda mal basyn arttyrýdy qolǵa alǵan kásipkerler Tsıfrlandyrý baǵdarlamasynyń oń nátıjesin kórýde, dep habarlaıdy Ravlodarnews.kz.

Bul týraly óńirlik kommýnıkatsııalar qyzmeti onlaın rejımde ótkizgen baspasóz konferentsııasynda Maı aýdanynyń ákimi Marat Aqtaev málim etti.
- Maldarǵa chıp taǵý jobasy byltyrǵy jyly qolǵa alynǵan bolatyn. Búginde sharýa qojalyqtary oń nátıjesin kórip otyr. Chıp ornatylǵannan keıin olar burynǵydaı maldy izdep júrmeıdi. Jaýyn-shashyn kezinde úıden smartfon nemese noýtbýk arqyly maldardyń qaıda júrgenin baqylap otyrady. Aqshıman aýyldyq okrýginde taǵy eki sharýa qojalyǵy chıp taǵý tájirıbesin paıdalanýǵa kóshti. Osylaısha Tsıfrlandyrý baǵdarlamasy jumysty jeńildetýde, - deıdi Marat Aqtaev.

Aýdan ákimi sýarmaly jerlerdiń kólemi men mal basyn arttyrý basty nazarǵa alynǵanyn aıtady.
- Mal sharýashylyǵyn damytýǵa nıet bildirgen azamattarǵa memleket tarapynan úlken qoldaý kórsetiledi. Tehnıka satyp alýǵa, vagondar ornatýǵa, ınfraqurylym tartýǵa sýbsıdııa men jeńildikteri bar nesıe beriledi. Budan keıin qaıta óńdeý jáne eksport týraly oılanýǵa bolady. Bıylǵy jyly 15 sharýa qojalyǵy jańa alańdardy ashýǵa óz qarjysyn saldy, - deıdi Marat Aqtaev.