Pavlodar oblysynda esirtki daıyndaýmen aınalysqan kúdiktiler ustaldy
Esirtki qylmysyna qarsy is-qımyl bólimsheleriniń qyzmetkerleri Ekibastuz qalasynda quramynda esirtki zattary bar, ósirýge tyıym salynǵan ósimdikterdi zańsyz ósirdi degen kúdikpen toptyń eki qatysýshysyn ustady.
«Alynǵan jedel aqparatty pysyqtaý barysynda polıtseıler Shahterskaıa kóshesinde ornalasqan turǵyn úıde 19 jastaǵy er adam men 21 jastaǵy áıel arnaıy jylyjaılarmen jabdyqtalǵan quramynda esirtki bar ósimdikter ósiretinin anyqtady. Ol úshin olar qajetti jabdyqty satyp alyp, qonaq bólmelerine ornalastyrǵan», – dep habarlaıdy Pavlodar oblysy Polıtsııa departamentiniń bastyǵy Vasılıı Sklıar.
Quramynda esirtki bar ósimdiktiń ońtaıly ósýi men jetilýi úshin zııankester barlyq qolaıly jaǵdaılardy jasady: olar jeldetýdi, aýa temperatýrasyn, ylǵaldylyqty, topyraqtyń qorektik eritindimen qanyqtylyǵyn rettegen. Qarasora pisip bolǵannan keıin, arnaıy satyp alǵan elektr keptirgishte qajetti bólshekterdi julyp keptirgen.
Tintý is-sharalaryn júrgizý kezinde polıtsııa qyzmetkerleri ósimdik jáne sıntetıkalyq tektes belgisiz zattary bar 7 paketti, 110 ósimdik butasyn, sondaı-aq olardy ósirýge arnalǵan arnaıy jabdyqty taýyp aldy. Sot saraptamalary ınstıtýty sarapshysynyń qorytyndysyna sáıkes tárkilengenderdiń bir bóligi quramynda esirtki bar ósimdik, salmaǵy 40 kılogramnan asatyn keptirilgen marıhýana, alyp qoıylǵan sıntetıkalyq esirtkiniń massasy 6,59 gramm, gashısh – 4,85 gramm.
Osy fakti boıynsha QK-tiń 300-babynyń 1-bóligi boıynsha qylmystyq is qozǵaldy, kúdiktilerge qatysty bultartpaý sharasy qabyldandy.
