Pavlodar oblysynda Ertistiń muzy qozǵala bastady
PAVLODAR. QazAqparat - Pavlodar oblysynda Ertiste seń buzylyp, ózen sýy arnasynan shyǵa bastady, dep habarlaıdy «QazAqparat» HAA tilshisi.
«Semıarka aýylynyń tusynda muz buzylýda. «Zaton» gıdrologııalyq beketiniń málimetinshe, sý qoımasynan sý bosatqannyń ózinde Ertis ózeni 1,5 metrden joǵary kóterilgen. Qazir sý deıgeıi 508 santımetrdi quraıdy. Beket baqylaýyndaǵy qaýipti deńgeı 800 santımetr bolyp sanalady», - deıdi jergilikti «Qazgıdromet» fılıaly dırektory m.a Serik Mustafın.
7 qańtardaǵy derekterge sáıkes, Shúlbi sý qoımasynan bosatylǵan sýdyń ortasha táýliktik kólemi sekýndyna 1700-1800 tekshe metr.
Sınoptıkter sonymen qatar, sońǵy táýlikterde sýdyń taǵy bes-jeti santımetrge kóterilgenin aıtady.
«Sýdyń kóterilýine jyl saıyn eki sebep bar. Birinishisi qardyń erýi, ekinshisi ShQO sý qoımalarynan bosatylatyn sý kólemi»,-deıdi jergilikti TJ ókili Sergeı Chernov.
Sýdyń qazirgi erneýinen asýyna sınoptıkter qalypty qubylys retinde qarap otyr. Ózenniń qatty tasýy 11 sáýirden bastap kútiledi eken.
