Pavlodar oblysynda Ertis ózeniniń 33 shaqyrymy tazartyldy
PAVLODAR. QazAqparat – Pavlodar oblysynda batpaqqa aınalý aldynda turǵan ózen tarmaǵy qalpyna keltirildi, dep habarlaıdy QazAqparat tilshisi.
«Podstepka ózeni arnasynyń 33 shaqyrymy tazartyldy», - dedi Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasynan.
Vedomstvonyń habarlaýynsha, atalǵan jumys jahandyq ekologııalyq joba aıasynda istelgen. Joba týraly derekti fılm túsirilgen.
«Sý qoımasyn qutqarý kerektigi týraly sarapshylar málimdegen. Ertis ózeniniń negizgi tarmaǵy batpaqqa aınalý aldynda bolǵan, onda jyl saıyn sý resýrstarynyń jetkiliksiz shyǵyndalýy saldarynan sý deńgeıi tómendeı bastaǵan», - dep naqtylady basqarmadan.
Mamandardyń aıtýynsha, sý deńgeıiniń tómendeýinen sýarmaly eginshilik sharýashylyǵynyń jumysyna zııan kelgen. Jobany júzege asyrý 2020 jyly bastaldy.
Avtory: Anton Gagarın
