Pavlodar oblysynda erikti toptar mektepter men balabaqshalardy kúzetýde
Oblysta shamamen 400 erikti top quryldy. Óńirlik bilim basqarmasynyń baspasóz hatshysy Aleksandr Vervekınniń aıtýynsha, bul toptardyń maqsaty – ǵımarattardy tonap ketýge jol bermeý.
«Bul toptardyń jumysy aýmaqtar boıynsha bólingen. Belgili bir mekteptiń qyzmetkerleri qaraqshylar men buzaqylardan óz mektepteri men jaqyn mańdaǵy balabaqshalardy, úıirmeler men sektsııalardy qorǵaıdy», – deıdi Aleksandr Vervekın.
Toptyń quramyna sol mektepterde, kolledjderde, lıtseıler men gımnazııalarda jumys isteıtin er adamdar men dene shynyqtyrý pánderiniń muǵalimderi, áskerı jetekshiler, tehqyzmetkerler kiredi.
Eske sala keteıik, 10 qańtar kúni Pavlodar oblysynda balabaqshalar óz jumysyn qaıta bastady. Mektep demalystary 17 qańtarǵa deıin uzartyldy. Mektepke deıingi qosymsha bilim berý uıymdary shtattyq rejımde jumys isteıdi.