Pavlodar oblysynda er adam janyp jatqan úıden kórshisin alyp shyqty
PAVLODAR. QazAqparat – Pavlodar oblysynda er adam otqa oranǵan úıden kórshisin alyp shyqty, dep habarlaıdy QazAqparat Ravlodarnews.kz saıtyna silteme jasap.
Jedel medıtsınalyq járdem brıgadasy zardap shekken adamdy Ýspen aýdandyq aýrýhanasyna jeńil dárejedegi janý ónimderimen ýlaný dıagnozymen jetkizip, alǵashqy medıtsınalyq kómek kórsetti.
Pavlodar oblysy TJ departamenti baspasóz qyzmetiniń málimeti boıynsha, 01 saǵat 10 mınýtta Ýspen aýdanynyń №17 órt sóndirý bóliminiń «101» pýltine Ýspen aýylynyń Mılevsk kóshesindegi turǵyn úıdiń janǵany týraly telefon habarlamasy túsken.
- Shaqyrý ornyna kelgennen keıin jeke turǵan eki bólmeli samannan jasalǵan úıde jıhaz, úı zattary, aǵash terezeler, esikter jáne jalpy 40 sharshy metrde jartylaı aǵash shatyr qurylymdary janyp jatqany anyqtaldy.
Kórshisi QAJD probatsııa qyzmetiniń ınspektory Tólegen Nurjan úı ıesin 1966 jyly týǵan er adamdy dalaǵa shyǵaryp úlgergen. Ol mas bolǵan, - deıdi departamentte.
Gaz-tútinnen qorǵaý qyzmetiniń órt sóndirýshi azamattyq qorǵaý kishi serjanty Rasýl Qazbekov úıden syıymdylyǵy 27 l bir gaz ballonyn alyp shyqqan.Tilsiz jaý 02 saǵat 48 mınýtta aýyzdyqtaldy. Oqıǵa ornynda jeke quramnan 4 adam jáne 2 tehnıka jumys istedi. Órttiń shyǵýyna mas kúıinde tósekte temeki shegý sebep bolǵan.
