Pavlodar oblysynda er adam bıik tirkemeden qulap mert boldy
PAVLODAR. QazAqparat – Pavlodar oblysynyń Maı aýdanynda jáne Ekibastuz qalasynda eki qaıǵyly oqıǵa boldy, dep habarlaıdy QazAqparat tilshisi.
«22 qazan kúni 15:15-te Maı aýdanyndaǵy úılerdiń birinen 1956 jyly týǵan er adamnyń denesi tabyldy. Ol Jumysker aýyldyq okrýgindegi jaıylma sý shalǵynynda tirkemege shóp tıep júrgende abaısyzda tórt metr bıikten qulap ketken», - dep málimdedi Pavlodar oblysy polıtsııa departamentiniń baspasóz qyzmeti.
Polıtsııa qyzmetkerleriniń aıtýynsha, sot-medıtsına saraptamalary belgilengen. Kýágerler bar.
«23 qazan kúni 02:10-da Ekibastuz qalasynda 1990 jylǵy qyz masaıyp, abaısyzda ekinshi qabattaǵy páteriniń terezesinen qulap ketken», - deıdi quqyq qorǵaý organy qyzmetkerleri.
Qyz aýrýhanaǵa jetkizilgen. Osy oqıǵanyń da kýágerleri bar.
