Pavlodar oblysynda er adam áıelin órtep jibergen
PAVLODAR. QazAqparat - Pavlodar oblysynda er adam áıeliniń ústine spırt quıyp, órtep jibergen. Birinshi dárejeli kúıik shalǵan aýyl turǵyny Pavlodar qalasynyń aýrýhanasyna jatqyzyldy, dep habarlaıdy QazAqparat Pavlodarnews.kz saıtyna silteme jasap.
- Pavlodar aýdanynyń polıtsııasyna aýyldardyń birinde er adam áıelin órtep jibergeni týraly qońyraý shalyndy. Oqıǵa ornyna kelgen polıtsııa qyzmetkerleri 8 tamyz kúni saǵat 02.00 shamasynda erli-zaıyptylar arasynda janjal bolǵanyn anyqtady. Kúıeýi mas kúıinde óz kóligimen ketýge tyrysqan, al áıeli oǵan tyıym salǵan. Arada janjal shyǵyp kúıeýi tońazytqyshtan spırt alyp, jubaıynyń ústine quıǵan da, ottyqpen jaǵyp jibergen. Sol kúni qaıyn atasynyń mereıtoıynda bolǵan, - dedi Pavlodar oblysy polıtsııa departamenti bastyǵynyń birinshi orynbasary Jasqaırat Qaıyrov.
Esin jıǵan sátte dereý órtti sóndirýge tyrysyp, áıeliniń syrtqy qıimderin sheship, jedel járdem shaqyrǵan.
Atalǵan faktige qatysty polıtsııa Qazaqstan Respýblıkasy QK 107-baby boıynsha sotqa deıingi tergeýdi bastady.
