Pavlodar oblysynda elektr ótkizý jelilerinen 770 metr sym urlanǵan
PAVLODAR. QazAqparat – Polıtsııa aýyldardyń birinde túnde kabel urlaǵan úsh turǵyndy ustady, dep habarlaıdy QazAqparat tilshisi.
«Polıtseıler túngi ýaqytta Pavlodar aýdanyndaǵy aýyldardyń biriniń mańynda isten shyqqan elektr ótkizý jelileriniń 770 metr alıýmınıı symdaryn urlaǵan 26-30 jas aralyǵyndaǵy úsh turǵyndy ustady», - dep habarlady Pavlodar oblystyq polıtsııa departamentiniń baspasóz qyzmeti jýrnalısterge.
Atalǵan fakti boıynsha QR QK 188-baby boıynsha sotqa deıingi tergeý jumystary júrip jatyr.
