Pavlodar oblysynda elektr energııasyn tasymaldaý tarıfteri tómendedi
PAVLODAR. QazAqparat - Ekonomıkalyq tergeý departamenti «Megalıtstroı» JShS men «OtauKurylysCity» JShS-na qatysty is júzinde jumystar oryndalmaı, qyzmetter kórsetilmeı shot-faktýralardy shyǵarý boıynsha qylmystyq is qozǵady, dep habarlaıdy QazAqparat.
Tabıǵı monopolııalardy retteý komıtetiniń Pavlodar oblysy boıynsha departamenti Ekonomıkalyq tergeý departamentimen birlesip, «Energoýpravlenıe» JShS-nyń elektr energııasyn berý jáne taratý qyzmetterine tarıfterdi tómendetý boıynsha jumys júrgizdi.
Pavlodar oblysynyń mamandandyrylǵan aýdanaralyq ekonomıkalyq sotynyń 2022 jylǵy 6 mamyrdaǵy sheshimimen «Energobasqarý» JShS, «MegalıtStroı» JShS jáne «OtauKurylysCity» JShS arasynda jasalǵan mámileler zańsyz dep tanyldy.
«Joǵaryda kórsetilgen mámileler boıynsha sharttar men shot-faktýralardyń bir bóligi «Energoýpravlenıe» JShS ýákiletti organǵa 2019-2020 jyldarǵa arnalǵan tarıftik smetalar men ınvestıtsııalyq baǵdarlamalardyń oryndalýyn rastaıtyn materıaldar retinde usynyldy, osylaısha naqty oryndalǵan jumystar týraly derekterdi burmalady», - delingen habarlamada.
Bul áreketter tabıǵı monopolııalar týraly zańnamany buzý bolyp tabylady, al oryndalmaý somasy tutynýshylarǵa qaıtarylýǵa jatady.
Zalal 509 mln teńgeni qurady (Qazaqstan Respýblıkasy Ulttyq Bankiniń bazalyq stavkasyn esepke alǵanda – 583 mln teńge).
Tutynýshylarǵa qarajatty qaıtarý maqsatynda, zańdy kúshine engen sot sheshiminiń bolýyn eskere otyryp, TMRKD 2022 jylǵy 5 qyrkúıekte «Energoýpravlenıe» JShS-nyń elektr energııasyn berý jáne taratý qyzmetterine ýaqytsha ótemdik tarıf bekitti:
-2022 jylǵy 1 qazannan bastap 2023 jylǵy 28 aqpanǵa deıin – 2,40-tan 2,02 teńge/kVtsaǵ, tómendeý 16%-ǵa;
-2023 jylǵy 1 naýryzdan bastap 30 qyrkúıekke deıin – 2,41-den 1,88 teńge/kVtsaǵ, tómendeý 22%-ǵa.
