Pavlodar oblysynda eldi mekenderge kireberis joldardyń bári jóndeledi

PAVLODAR. QazAqparat – Úsh jyldyń ishinde Pavlodar oblysynda oblystyń jáne aýdandyq mańyzdaǵy 656 shaqyrym jol jóndeledi, dep habarlaıdy QazAqparat tilshisi.

Bul jaıynda aımaq basshysy Asaıyn Baıhanov Ortalyq kommýnıkatsııalar qyzmetinde ótken brıfıngide málim etti.

«Infraqurylymdy, onyń ishinde kólik ınfraqurylymyn jańǵyrtpaı oblysty damytý múmkin emes. Bul baǵytta bıyl 136 joba iske asyrylady. Oblystyq jáne aýdandyq mańyzy bar 656 shaqyrym joldy, sondaı-aq eldi mekenderdiń kóshelerin jóndeý josparlanýda. Osy maqsattarǵa biz 27 mlrd teńge bóldik», - dedi ákim.

Aıtýynsha, bul óńir úshin rekordtyq soma. Asaıyn Baıhanov úsh jyldyń ishinde oblystaǵy eldi mekenderge kire beris joldardyń bári jóndeletinin aıtty.

Sonymen qatar, aımaq basshysy oblys ortalyǵynda Ertis ózeni arqyly ótetin jańa kópir salynatynyn jetkizdi.

«Prezıdent tapsyrmasyn oryndaý aıasynda bıyl qyrkúıek aıynda Pavlodar oblysynda Ertis ózeninen ótetin jańa kópirdiń qurylysy bastalady. Bul nysandy salýdaǵy basym baǵyt – qoǵamdyq kólik salasyn damytý. Bul jerde biz tramvaı marshrýttaryn keńeıtip, aldaǵy eki jylda 70 vagondy jańartpaqpyz. Óńirdiń úsh jylynda qoǵamdyq kólik parki jańartylyp, 125 jańa avtobýs satyp alyndy», - dedi obyls basshysy.