Pavlodar oblysynda eldi mekenderdi sý basý qaýpi joq
PAVLODAR. QazAqparat - Pavlodar oblysy tótenshe jaǵdaılar departamenti bastyǵynyń orynbasarlary Samat Asaıynov jáne Alekseı Dvınıanın «Qazavıaqutqarý»AQ ES-145 tikushaǵynda aerovızýaldy tekserýdi júzege asyrdy, dep habarlaıdy pavlodarnews.kz.
Oblystyq TJ departamenti baspasóz qyzmetiniń málim etkendeı, orman sharýashylyǵynyń jaı-kúıi men jaıylymnyń sý basý barysyna monıtorıng kezinde qaýip joq ekeni anyqtaldy.
"Ertis ózeni boıynsha sý jiberý jáne Aqsý qalasy, Maı, Aqqýly jáne Pavlodar aýdandarynyń jaıylym men dala aımaqtaryndaǵy órt qaýipti kezeńge baılanysty jaǵdaıdy boljamdaý maqsatynda aerovızýaldy tekserýdi júzege asyryldy. Ushý kezinde Ertis ózeniniń boıynda ornalasqan eldi mekenderge nazar aýdaryldy", - delingen habarlamada.
Sondaı-aq, júrý baǵyty boıynsha orman-dala janýyna monıtorıng júrgizildi, nátıjesinde eldi mekenderdi sý basý qaýpi joq ekeni anyqtaldy. Alaıda Aqsý óńirinde Spýtnık stantsııasynan syrtqary aýmaqta qamystyń janý faktisi anyqtaldy jáne ony joıý úshin kúshter men quraldar jiberildi.
