Pavlodar oblysynda ekologııa salasynda 13 jemqorlyq táýekeli anyqtaldy

PAVLODAR. QazAqparat - Pavlodarda ekologııa salasyna sybaılas jemqorlyq táýekelderin syrtqy taldaý, kommýnaldyq jeliler men sý qubyrlaryn salý salasyndaǵy sybaılas jemqorlyqqa qarsy monıtorıng jasaldy. Jemqorlyqqa qarsy is-qımyl máselesi jónindegi vedomstvoaralyq komıssııanyń kezekti otyrysynda osy monıtorıng qorytyndysy talqyǵa tústi, dep habarlaıdy QazAqparat.

Mysaly, ekologııa salasyn taldaý nátıjesi boıynsha 13-ke jýyq sybaılas jemqorlyq táýekeli anyqtalǵan.

Atap aıtqanda, bul adam densaýlyǵyna qaýipti zııandy zattardy ólsheý úshin tehnıkalyq quraldarmen tolyq qamtamasyz etilmeýi, ónerkásiptik kásiporyndarǵa ruqsat qujatyn zańsyz berý faktileri jáne basqalar.

Barlyq táýekelder boıynsha olardy dereý joıý boıynsha usynys berildi.

Kún tártibindegi máselelerdi talqylaı otyryp, oblys ákimi Asaıyn Baıhanov sybaılas jemqorlyq táýekelderiniń óńirlik kartasyn iske asyrýdyń ózektiligin atap ótti.

Sondaı-aq qala-aýdan ákimderine, memlekettik organ basshylaryna qaramaǵyndaǵylardyń sybaılas jemqorlyq úshin derbes jaýapkershiligin eske sala otyryp, baǵynystylarǵa baqylaýdy kúsheıtýdi tapsyrdy.