Pavlodar oblysynda eki jumysshy bıiktikten qulap ketti
EKІBASTUZ. QazAqparat – Ekibastuz qalasynda jumys ornynda bıiktikten qulaǵan 47 jastaǵy er adam aýrýhanaǵa jetkizildi, dep habarlaıdy QazAqparat.
«20 tamyz kúni saǵat 13.50-de Ekibastuz qalasynyń aýrýhanasyna 47 jastaǵy er adam jetkizildi. Er adam JShS-te metall qalaýshy bolyp jumys isteıtini anyqtaldy. Ol jumys atqarý kezinde metall konteınerden tómenge qulap túsken», - dep málimdedi Pavlodar oblystyq polıtsııa departamentiniń baspasóz qyzmetinen.
Tártip saqshylarynyń málimetinshe, sol kúni osyǵan uqsas taǵy bir oqıǵa boldy. Saǵat 17.00-da Ekibastuz qalasynyń aýrýhanasyna jaraqat alǵan 30 jastaǵy er adam jetkizildi.
«Polıtsııa er adamnyń JShS-tiń birinde temir jelimdeýshi bolyp jumys isteıtinin anyqtady. Ol jumys atqarý kezinde agregattan tómen qulap túsken», - dep atap ótti baspasóz qyzmetinen.
Anton Gagarın
