Pavlodar oblysynda eki jeńil kólik soqtyǵysyp, júrgizýshileri mert boldy
PAVLODAR. QazAqparat – Pavlodar oblysynda eki jeńil kólik betpe-bet soqtysyǵyp, eki kóliktiń de júrgizýshileri mert boldy, dep habarlaıdy QazAqparat Pavlodarnews.kz-ke silteme jasap.
Polıtsııanyń óńirlik departamentinen habarlanǵandaı, kólik apaty 2020 jyly 21 qarasha kúni saǵat 23:30-da, «Pavlodar-Omsk» avtojolynyń 31-shi kılometrinde bolǵan.
«Pavlodar aýdanynyń Sychevka aýylynda VAZ-2107 men Lada Vesta markaly kólikteri betpe-bet soqtyǵysty. VAZ-2107 kóliginiń 53 jastaǵy júrgizýshisi men Lada Vesta kóliginiń 40 jastaǵy júrgizýshisi alǵan jaraqatynan oqıǵa ornynda qaza boldy. VAZ-2107 kóliginiń jolaýshysy aýrýhanaǵa jetkizildi. Kólik apaty boıynsha tekserý jumystary júrip jatyr.
