Pavlodar oblysynda eki kólik órtenip ketti
PAVLODAR. QazAqparat - Pavlodar oblysynda eki kólik órtenip ketti. Abyroı bolǵanda qaza tapqandar men zardap shekkender joq, dep habarlaıdy QazAqparat Ravlodarnews.kz-ke silteme jasap.
Oblystyq TJD baspasóz qyzmetiniń málimetinshe, alǵashqy oqıǵa búgin tańerteń 08 saǵat 35 mınýtta tirkelgen. Aqsý qalasynyń «Nurly jol» avtojol kópirinde 1989 jyly shyqqan Mersedes Benz avtokóligi tolyǵymen janyp ketti.
- Kólik Pavlodardan Aqsý qalasyna bara jatqan. Órttiń jalpy aýdany 6 sharshy metrdi qurady. Órt 09 saǵat 49 mınýtta joıyldy. Oqıǵa ornynda Aqsý qalasynyń № 12 órt sóndirý beketi quramynan 3 adam jáne bir tehnıka jumys istedi. Aqsý qalasynyń eń jaqyn órt sóndirý beketi men oqıǵa ornyna deıingi qashyqtyq 8 km quraıdy, - deıdi departamentte.
Sondaı-aq, 10 saǵat 28 mınýtta «101» pýltine Mır jáne General Dúısenov kósheleriniń qıylysynda órt shyqqany týraly habarlama túsken.
Ashyq aýmaqta Volkswagen Passat avtokóliginiń motor jáne salonnyń aldyńǵy bólikterinde, jalpy aýdany 4 sharshy metr tóbedegi oryndyqtardyń ishinara qaptamalary janǵan. Tilsiz jaýdy aýyzdyqtaýǵa jeke quramnan 2 adam jáne bir tehnıka jumyldyryldy.
