Pavlodar oblysynda eki kólik betpe-bet soqtyǵysyp, úsh adam mert boldy
PAVLODAR. QazAqparat - Pavlodar oblysynda kólik apaty bolyp, úsh adamnyń ómiri qıyldy, dep habarlaıdy Pavlodarnews.kz.
Kólik apaty « Lenınskıı-Rýsskaıa polıana» tasjolynda boldy.
Oblystyq PD baspasóz qyzmetiniń málimetine saı, 31 shilde kúni 17:30-da «Volkswagen Passat» pen «Toyota Carina» markaly kólikteri betpe-bet soqtyǵysqan. Oqıǵa ornynda úshi adam mert boldy.
«Oqıǵa ornyna jedel járdem brıgadasy jáne Ertis aýdandyq aýrýhanasynan medıtsınalyq brıgada bardy. Úsh adam qaıtys boldy: 51, 49 jastaǵy áıel, 52 jastaǵy er adam», - dep habarlady oblystyq jedel járdem stantsııasy.
Odan bólek taǵy úsh adam — 1961 jáne 1971 jylǵy er adam men 1960 jylǵy áıel japa shekken. Eki júrgizýshi men jolaýshylardy túrli jaraqatpen Ertis aýdandyq aýrýhanasyna jetkizgen.
