Pavlodar oblysynda eki adamnyń máıiti tabyldy

PAVLODAR. QazAqparat - Qaıǵyly oqıǵanyń biri Pavlodar qalasynda, ekinshisi Ekibastuzda tirkeldi, dep habarlaıdy QazAqparat Ravlodarnews.kz-ke silteme jasap.

Oblystyq TJD baspasóz qyzmetiniń málimeti boıynsha, 7 qazanda qutqarýshylar esikterdi ashý boıynsha 4 ret shyqqan.
- Keshki saǵat 20.20-da Ekibastuzda Amangeldi kóshesinde jeke sektorda er adam esikti ashpady, úıden máıittiń ıisi shyqqan. Qutqarýshylar polıtsııa qyzmetkerleri men týystarynyń qatysýymen arnaıy quralmen esikti ashty. Bólmelerdiń birinde 1968 jyly týǵan er adam tirshilik belgileri joq kúıinde tabyldy, - deıdi departamentte.

Osyndaı jaǵdaı Pavlodar qalasynda da oryn aldy. Túngi saǵat 11-de ınsýlttan keıin er adam esikti ashpaǵan. Ádettegideı, qutqarýshylar polıtsııa qyzmetkerleri men týystarynyń qatysýymen arnaıy quralmen esikti ashty. Bólmelerdiń birinde 1974 jyly týǵan er adam óli kúıinde tabyldy.
Sondaı-aq alǵashqy habarlama saǵat 17.10-da N.Nazarbaev dańǵyly 44 mekenjaıy boıynsha túsken Bala páterdiń esigin ashpaı qoıǵan, ata-anasy kire beriste bolǵan. Qutqarýshylar kelgen boıda polıtsııa qyzmetkerleri men ata-analardyń qatysýymen páterge balkon arqyly, jyljymaly baspaldaqtar men arnaıy quraldardyń kómegimen kirdi.
Ekibastuz qalasyndaǵy ekinshi oqys oqıǵaǵa qutqarýshylar saǵat 18-51-de shyqty. Máshhúr Júsip kóshesiniń boıynda 1945 jyly týǵan jalǵyzbasty áıel páterdiń esigin asha almady. Qutqarýshylar polıtsııa qyzmetkerleriniń qatysýymen arnaıy quraldarmen esikti ashty.
Eki oqıǵada da bala men áıel adam aman boldy.
Barlyq jaǵdaıda oblys boıynsha shaqyrý ornyna TJD jeke quramynan 16 adam jáne 4 tehnıka, «102» qyzmeti shyqty.
Osyndaı keleńsizdikterdi boldyrmaý úshin Pavlodar oblysynyń TJD oblystyń barlyq azamattarynan qart adamdardy úıde jalǵyz qaldyrmaýdy suraıdy.