Pavlodar oblysynda eki adam túıneme dertin juqtyrdy degen kúdikpen aýrýhanaǵa jatqyzyldy

PAVLODAR. QazAqparat - Pavlodar oblysynyń Ertis aýdany Ertis aýylynda eki adam túıneme dertin juqtyrdy degen kúdikpen aýrýhanaǵa jatqyzyldy. Bul týraly oblystyq densaýlyq saqtaý basqarmasynyń basshysy Nurlan Qasymov málim etti.

«Syrqattar 8 shildede oblystyq juqpaly aýrýlar aýrýhanasyna jatqyzyldy. Bular 51 jastaǵy er adam men 31 jastaǵy kelinshek. Sonymen birge, aýrýhanada 21 adam baqylaýǵa alynǵan», - dedi ol.

«27 maýsymda Uzynsý aýylynyń jaıylymynda aýyryp qalǵan sıyryn ıesi veterınarlyq kýálandyrýsyz soıyp alǵan. Aýrý sıyrdyń 117 keli etin ol Ertis aýylyndaǵy «Maıra» dámhanasyna ótkizgen. Qazirgi ýaqytta sıyrdyń qalǵan eti men terisi alyndy. Mal soıylǵan jer men et saqtalǵan oryn zararsyzdandyryldy. Keshende epıdemııaǵa qarsy jáne veterınarlyq is-sharalar jasalýda. Sondaı-aq Uzynsý men Ertis aýyldarynda aýrý maldardy jáne olarmen baılanysty bolǵandardy anyqtaý úshin mamandar árbir úıdi aralaýda», - dedi N.Qasymov.