Pavlodar oblysynda eki adam sýǵa batyp ketti
PAVLODAR. QazAqparat - Ótken demalys kúnderi Ertis ózeninde eki adam ajal qushty, dep habarlaıdy pavlodarnews.kz.
Bul týraly oblystyq TJD-niń baspasóz qyzmeti málim etti.
«Saǵat 14.54-te Pavlodar qalasy Ertis ózeninde ortalyq jaǵajaıda 1976 jylǵy er adam sýǵa batyp ketkeni týraly habarlama kelip tústi. Jedel qutqarý jasaǵynan 4 adam eki tehnıkanyń kómegimen izdeý jumystaryn attanǵan», - deıdi departamentte.
Saǵat 15.05-te jaǵadan 10 metr qashyqtyqta, bir metrdeı tereńdikte anyqtalǵan er adamnyń denesi polıtsııa qyzmetkerlerine tapsyrylǵan. Sondaı-aq, shamamen saǵat segizde Maı aýdanynyń Jaltyr aýylynda Ertis ózeninde balyq aýlap otyrǵan 1977 jylǵy er adam batyp ketken. Oqıǵa ornyna eki adam men bir tehnıka shyǵyp, sol kúni saǵat toǵyzda múrdeni sýdan alyp shyqqan. 20 shilde kúni saǵat 18.17-te Ertis ózeninde úsh adam otyrǵan «Kazanka» motor qaıyǵy aýdarylyp qalǵan. Olardyń ekeýinde qutqarý jeletkeleri bolmaǵan. Qutqarýshylar úsheýin de jaǵaǵa jetkizdi.
«Eshqaısysyna medıtsınalyq kómek qajet bolmady. Kater júrip ótken kezde 1975 jylǵy kemeni júrgizýshi balanstan aıyrylyp qalǵan. Qasyndaǵylary 1985, 1988 jylǵy azamattar, - deıdi TJD qyzmetkerleri.
